Тілді дамыту
Тілді дамыту
Тілді дамыту
Наурызнама: 18 наурыз - ұлттық киім күні
Наурызнама онкүндігі аясында бүгін Астана халықаралық әуежайының қызметкерлері жұмыс формасын ұлттық киімге ауыстырды. Ұлттық киім – халқымыздың мәдениеті мен дәстүрінің айқын көрінісі. Бүгін біз сол құндылықтарды дәріптеп, Наурыз мерекесінің рухын бірге бөлістік. Наурыз құтты болсын!
Елорда әуежайында мемлекеттік рәміздер күніне орай жолаушыларға 1000-ға жуық ту таратылды
Елорда әуежайында мемлекеттік рәміздер күніне орай жолаушыларға 1000-ға жуық ту таратылды. Астана қаласының Тілдерді дамыту және архив ісі басқармасы мемлекеттік мекемесінің «Руханият» коммуналдық мемлекеттік мекемесімен ұйымдастырылған акцияның басты мақсаты – көпшілік арасында ұлттық құндылықтарымызды насихаттау. Ұйымдастырушылар елорданың маңызды нысандарын, қаланың негізгі көшелерін, сондай-ақ қоғамдық көліктерді аралап, қала тұрғындарын мерекемен құттықтады.
Елорда әуежайында “Абай оқулары” өтті
Астана халықаралық әуежайында ұлы ақын, ойшыл Абай Құнанбайұлының шығармашылығына арналған “Абай оқулары” ұйымдастырылды. Іс-шара барысында әуежай жұмыскерлері Абайдың өлеңдері мен қара сөздерінен үзінділер оқып, қазақ әдебиетінің асыл мұрасын дәріптеді. Мұндай рухани шаралар ұлттық мәдениетті насихаттауға және әуежай кеңістігінде ерекше мәдени атмосфера қалыптастыруға ықпал етеді.
Астана халықаралық әуежайының ұжымы Қазақстан халықтарының тілдері күніне орай көшпелі семинарға қатысты
Демалыс күндері Астана халықаралық әуежайының ұжымы Қазақстан халықтарының тілдері күніне орай спорттық және шығармашылық іс-шаралар форматындағы көшпелі семинарға қатысты. «ТІЛ – ХАЛЫҚ ЖАНЫН ТАНУДЫҢ КІЛТІ» атты іс-шара әуежай қызметкерлерін мәдени тәжірибе алмасу және командалық рухты нығайту үшін біріктірді. Фестиваль бағдарламасы қатысушыларға еліміздің бай мәдениетінің сан алуандығын сезінуге мүмкіндік беретін түрлі ойын-сауық шаралары мен мәдени қойылымдарды қамтыды.
Елорда әуежайында «Қазақ тілін заманауи технология көмегімен меңгеру» тақырыбында семинар өтті
Бүгін Астана халықаралық әуежайында Қазақстандағы тіл саясатын дамытудың 2023-2029 жылдарға арналған тұжырымдамасын жүзеге асыруға және мемлекеттік тілдің қолданыс аясын кеңейтуге арналған маңызды шара өтті. Аталмыш семинарға әуежайдың 50-ге жуық жұмыскері қатысты. Кездесу барысында инновациялық технологиялар мен жасанды интеллектінің қазақ тілін оқытуға тигізетін әсері туралы сөз қозғалды. Елорда әуежайына «Тіл-Қазына» ұлттық ғылыми-практикалық орталығы мен Тіл басқармасы саясаты өкілдерінен тұратын меймандар жиналды.
Köktem Fest: көктемнің, күш пен достықтың мерекесі
Астана халықаралық әуежайында қызметкерлер арасында Köktem Fest мерекелік іс-шарасы өтті. Мереке аясында ұжым 5 “ауылға” бөлініп, әр топ қазақтың ұлттық дәстүрлерін, өнерін және мәдениетін таныстырды. Қатысушылар сахналық қойылымдар көрсетіп, ұлттық ойындар ұйымдастырып, шығармашылық өнерлерін ортаға салды. Köktem Fest – бұл тек мерекелік шара ғана емес, ұжымдық рухты нығайтып, әріптестер арасындағы достық пен бірлікті арттыратын жарқын алаң болды. Көктем – жаңару мен жақсы бастамалардың символы.
Қазақстан халқының бірлігі күні құтты болсын!
1 мамыр – Қазақстан халқының бірлігі күніне орай Астана халықаралық әуежайында ерекше бейнеролик дайындалды. Әуежайда еңбек ететін түрлі ұлт өкілдері өз ана тілінде «Бірлік күні құтты болсын!» деп айтып, барша қазақстандықтарды мерекемен құттықтады. Бір шаңырақ астында қызмет ететін әртүрлі мәдениет пен ұлт өкілдерінің бірлігі – еліміздің басты құндылығы. Бірлігіміз бекем, татулығымыз мәңгі болсын!
Астана әуежайында Қазақстан Республикасының Мемлекеттік Әнұраны салтанатты түрде орындалды
4 маусым – Қазақстан Республикасының Мемлекеттік рәміздер күніне орай Астана халықаралық әуежайында Мемлекеттік Әнұран салтанатты түрде орындалды. Іс-шараға әуежай қызметкерлері қатысып, еліміздің басты рәміздерінің бірі – Әнұранды бірге орындап, Отанға деген құрмет пен патриоттық рухты білдірді. Мемлекеттік рәміздер – ел тәуелсіздігінің, бірлігі мен егемендігінің айқын белгісі. Мереке құтты болсын!
Астана халықаралық әуежайында ұлы Абайдың 180 жылдығына арналған шағын викторина ұйымдастырылды
Астана халықаралық әуежайында ұлы ақын, ойшыл Абай Құнанбайұлының 180 жылдығына орай жолаушылар арасында шағын викторина ұйымдастырылды. Викторина барысында жолаушыларға Абайдың өмірі мен шығармашылығына қатысты сұрақтар қойылып, қатысушылар өз білімдерін сынап көрді. Белсенді қатысқан жолаушыларға шағын сыйлықтар табысталды. Іс-шараның басты мақсаты – жолаушылар арасында қазақ әдебиетінің көрнекті тұлғасының мұрасын насихаттап, ұлттық мәдениетке деген қызығушылықты арттыру.
Елорда әуежайында «Тіл – тұтастық туы» фестивалі өтті
Астана халықаралық әуежайында Қазақстан халқы тілдерінің күні мен Ахмет Байтұрсынұлының туған күніне, сондай-ақ ұлы Абай Құнанбайұлының 180 жылдығына арналған «Тіл – тұтастық туы» атты мерекелік фестиваль өтті. Іс-шара аясында қызметкерлер арасында шығармашылық байқаулар ұйымдастырылып, қатысушылар Абайдың өлеңдері мен қара сөздерін жатқа айтып, оның шығармаларына жазылған әндер мен күйлерді орындады. «Қазақ тілі – қазығым» номинациясында өзге этнос өкілдері қазақ тілін еркін меңгергенін дәлелдеп, көрермен ықыласына бөленді. Фестиваль жеңімпаздары мадақтама қағаздарымен және ақшалай сыйлықтармен марапатталды.
Елорда әуежайында «Ұлттық диктант» өтті
Нұрсұлтан Назарбаев халықаралық әуежайының жұмыскерлері Халықаралық «Қазақ тілі» қоғамдық бірлестігінің бастамасымен ұйымдастырылған республикалық «Ұлттық диктант» акциясына қатысты. Әртүрлі бөлімшелерден 50-ден астам жұмыскер өздерінің мемлекеттік тілді меңгеру деңгейін және сауаттылықтарын тексерді. Жоба қазақ тіліндегі жазба мәдениеті мен сауаттылықты дамытуға, сондай-ақ әуежай қызметкерлері арасында мемлекеттік тілдің мәртебесін нығайтуға бағытталған.
«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:
- Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
- Жазбаша (қағаз және (немесе) электрондық) нысанда берілген жолданымда, хаттамада:
- жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
- жолданым берілетін әкімшілік органның, лауазымды адамның атауы;
- жолданымның мәні;
- жолданымның берілген күні;
- арыз иесінің немесе оның өкілінің қолы;
- Қазақстан Республикасының заңнамасында көзделген өзге де мәліметтер көрсетіледі.
Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.
Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:
- қолма-қол;
- Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
- «eOtinish» бірыңғай өтініш беру платформасының сілтемесі бойынша: https://eotinish.kz.