Нұрсұлтан Назарбаев халықаралық әуежайының лэд-экранындағы дәрігерлердің суреттері көз тартады

Баспасөз-орталығы

Сұрыптау

2018

2017

2019

2020

2021

2022

2023

Жарнамаға арналған орын
250x250

2020-09-04

Нұрсұлтан Назарбаев халықаралық әуежайының лэд-экранындағы дәрігерлердің суреттері көз тартады

Руслан Мазуниннің дәрігерлердің құрметіне жасалған «РИЗАМЫЗ» көрмесі республикалық масштабқа ие болуда. Бүгін, 3 қыркүйекте Нұрсұлтан Назарбаев халықаралық әуежайының лэд-экранында медицина қызметкерлерінің портреттері пайда болды. Инсталляция астаналық жұқпалы аурулар ауруханасында жұмыс жасап жатқан жүз қызметкердің бейнесінен тұрады.

Жоба авторы француздың заманауи суретшісі JR жұмысы оны осындай қадамға баруға шабыттандырды дейді.

«Мені әрқашан басқа ел азаматтарының дәрігерлерге деген өз ризашылықтарын білдіруі қызықтыратын. Бұл идея бұрыннан мені ойландырып жүрді. Париждегі Бастилия операсының қасбеті дәрігерлердің портреттерімен безендірілгені туралы жаңалықты көргеннен кейін, бізде де неге осылай жасамасқа деп ойладым» , - дейді Руслан.

Дәрігерлерге осындай ерекше тәсілмен алғыс білдіруді шешкен қазақстандықтың идеясы желіде бір апта бойы қызу талқылануда.

Естеріңізге сала кетейік, 26 тамызда басталған көрме екі аптаға созылады. Елорда тұрғындары мен қонақтары фотографтың жұмыстарын "Атырау" жаяу жүргіншілер көпірінде және Hilton Astana ғимаратының қасбетінде, ал енді Нұрсұлтан Назарбаев халықаралық әуежайының лэд-экранында көре алады.