«Нұрсұлтан Назарбаев халықаралық әуежайы» АҚ қызметкерлерінің жалақысы ұзақ уақыт ішінде алғаш рет 90 пайызға артты.

Барлық жаңалықтар

2023-02-02

«Нұрсұлтан Назарбаев халықаралық әуежайы» АҚ қызметкерлерінің жалақысы ұзақ уақыт ішінде алғаш рет 90 пайызға артты.

«Нұрсұлтан Назарбаев халықаралық әуежайы» АҚ қызметкерлерінің жалақысы ұзақ уақыт ішінде алғаш рет 90 пайызға артты. Сонымен қатар ең төменгі және ең жоғары жалақы арасындағы алшақтықты азайту тұрғысынан оңтайлы өзгерістер байқалады.
Елордалық әуежай өкілдерінің айтуынша, көптеген жүйелік мәселе әдетте қалыптасқан қаржылық жағдайдың жақсаруына байланысты шешіледі. Атап айтқанда, бүгінгі таңда қызметкерлердің ең төменгі жалақысы 90 пайызға артып отыр. Өткен жылдың басында бұл көрсеткіш 108 мың теңгені құраса, ендігі кезекте 200 мың теңгеге жетіп отыр. Орын алған оңтайлы өзгерістер негізінен өндірістік персонал, оның ішінде авиациялық қауіпсіздік қызметкерлеріне, жүргізушілерге және агенттерге қатысты.
Сондай-ақ елордалық әуежай әкімшілігі өз қызметкерлерінің тұрғын үй мәселелерін түбегейлі шешуге бет бұрды. Мәселен, қазіргі таңда «Отбасы банкімен» келісім жасалып, аталған құжатқа сәйкес кәсіпорын қызметкерлерге тұрғын үй жағдайларын жақсарту үшін жеңілдетілген қарыздар алу үшін кепілдік беретін болады.
«Ең алдымен, біз мүмкіндігі шектеулі балаларды тәрбиелеп отырған және көпбалалы отбасыларды, жалғызбасты ата-аналарға қолдау көрсетіп, көмектескіміз келеді. Жуық шамамен 50-100 шақты отбасын қамтуды жоспарлап отырмыз», – деді халықаралық әуежайдың басшысы Дәулет Хамзин.

Пайдалы ақпарат

  • Wi-Fi әуежайда

    Тегін интернетті пайдаланыңыз

    Толығырақ

  • Тексеруден өту қағидалары

    Тексеруден өту қағидаларымен танысыңыз

    Толығырақ