Халықаралық азаматтық авиация ұйымы өкілдері Астана халықаралық әуежайының даму перспективаларымен танысты

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2023-10-17

Халықаралық азаматтық авиация ұйымы өкілдері Астана халықаралық әуежайының даму перспективаларымен танысты

17 қазанда Халықаралық азаматтық авиация ұйымы (ICAO) Еуропалық және Солтүстік Атлантикалық бюросының Директоры Николя Ралло Астана халықаралық әуейжайына арнайы келіп, әуежайдың даму перспективаларын және ICAO-мен одан әрі ынтымақтастық мәселелерін талқылады. Кездесуге ҚР Көлік министрлігі Азаматтық авиация комитетінің төрағасы Талғат Ластаев, әуежай басшылығы қатысты. «Астана халықаралық әуежайы тек Қазақстандағы емес, Орталық Азиядағы маңызды әрі ірі әуеайлақ. Сондықтан біз үшін Қазақстан астанасының әуе қақпасының дамуы, осы жолдағы туындаған проблемаларды шешу механизмдерімен арнайы танысу үшін келіп отырмын. Қазір халықаралық азаматтық авиация саласында «жасыл әуежайлардың» санын көбейту үшін жұмыстар жүргізіп жатырмыз. Астана халықаралық әуежайының да осы санатқа қосылуына қаншалықты потенциалы бар екенін ұғу біз үшін маңызды», - деді Халықаралық азаматтық авиация ұйымы Еуропалық және Солтүстік Атлантикалық бюросының директоры Николя Ралло. Астана халықаралық әуежайы 2023 жылдың соңына қарай 7 миллион жолаушыға қызмет көрсетуді жоспарлап отыр. Былтыр елорда әуежайындағы жолаушылар ағыны 6 миллион болған еді. Биылғы жылдың алғашқы жартыжылдығында Астана халықаралық әуежайында 15 мың ішкі рейстер орындалды. Сондай-ақ Астана халықаралық әуежайы биыл Халықаралық әуежайлар кеңесінің мүшелігіне енді. 2-6 қазан аралығында әуежайдың жерде қызмет көрсету қауіпсіздігі бойынша Халықаралық әуе көлігі қауымдастығының аудитінен өтті.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.