Қазақстанда алғаш рет жолаушыларды сәйкестендіру бағдарламасы бойынша ИКАО аймақтық симпозиумы (TRIP ИКАО) өтеді

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2023-10-27

Қазақстанда алғаш рет жолаушыларды сәйкестендіру бағдарламасы бойынша ИКАО аймақтық симпозиумы (TRIP ИКАО) өтеді

2023 жылғы 6-8 желтоқсан аралығында Қазақстан Республикасында алғаш рет TRIP жолаушыларды сәйкестендіру бағдарламасы бойынша аймақтық симпозиум өтеді. Ол ИКАО Халықаралық азаматтық авиация ұйымының эгидасымен, ҚР Көлік министрлігінің, Азаматтық авиация комитетінің және Қазақстанның авиациялық әкімшілігінің қолдауымен өтеді. Іс-шара бағдарламасына сәйкес үш күн ішінде TRIP ИКАО стратегиясының бес элементімен тікелей байланысты 10 панельдік сессия өткізу жоспарланған: сәйкестікті растау, машинамен оқылатын жол жүру құжаттары, құжаттарды беру және бақылау, тексеру жүйелері мен құралдары, бірін-бірі толықтыратын ақпараттық жүйелер. Іс-шараның негізгі бағыты технология мен инновация арқылы жолаушылардың ұтқырлық деңгейін арттыруға бағытталған. Азаматтық авиацияны дамытудың басым бағыттарының бірі цифрлық трансформация болып табылатынын атап өту қажет. ҚР Көлік министрлігі ҚР әуежайларында жолаушыларға қызмет көрсету және сәйкестендіру бойынша жаңа технологияларды қолдануға, сондай-ақ әуе тасымалы кезіндегі формальдылықты жеңілдету мәселелеріне ерекше назар аударады. TRIP ICAO аймақтық симпозиумы тәжірибе алмасу және жолаушыларды сәйкестендіру бойынша жалпы проблемалық мәселелерді талқылау үшін бірегей пікірталас алаңы болады деп күтілуде. TRIP ICAO аймақтық симпозиумының спикерлері Канада, Америка Құрама Штаттары, Франция, Ұлыбритания, Түркия, Жаңа Зеландия, Швейцария сияқты елдердің формальдылықты жеңілдету мәселелері бойынша халықаралық сарапшылары болады. Сонымен қатар, іс-шараға Халықаралық азаматтық авиация ұйымының (ICAO), Халықаралық әуежайлар кеңесінің (ACI), Халықаралық көші-қон ұйымының (IOM), Халықаралық әуе көлігі қауымдастығының (IATA), Біріккен ұлттар ұйымының босқындар ісі жөніндегі жоғарғы комиссарының басқармасының (UNHCR), Интерпол Бас хатшылығының, Халықаралық қылмыстық полиция ұйымының, сондай-ақ Еуропалық шекара және жағалау күзеті агенттігінің (FRONTEX) қызметкерлері қатысады деп күтілуде. Қазақстандық спикерлер ретінде мемлекеттік органдардың (ҚР ҰҚК ШҚ, ЦДИАӨМ, ІІМ КҚҚК, КМ ААК), Қазақстанның авиациялық әкімшілігінің, Астана және Алматы қалаларының әуежайларының, отандық әуе компаниялардың (Air Astana, SCAT, Qazaq Air, FlyArystan) және Азаматтық авиация академиясының өкілдері сөз сөйлейді. Іс-шараның толық бағдарламасы ағымдағы жылдың 1 қарашасында Қазақстанның авиациялық әкімшілігінің сайтында жарияланады.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.