БҰҰ Қауіпсіздік кеңесі Астана әуежайындағы қауіпсіздік шараларына жоғары баға берді

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2024-05-27

БҰҰ Қауіпсіздік кеңесі Астана әуежайындағы қауіпсіздік шараларына жоғары баға берді

БҰҰ Қауіпсіздік Кеңесінің Терроризмге қарсы комитеті Атқарушы директораты 20-24 мамыр аралығында Қазақстан Республикасын бағалау сапарын өткізді. Сапар аясында директорат Астана халықаралық әуежайына ресми жұмыс сапарымен келді.

Елорда әуежайында өткен жиында БҰҰ делегациясы өкілдері әуежайдың авиациялық қауіпсіздік қызметінің жұмысымен танысып, "Қазақстанның авиациялық әкімшілігі" АҚ, Азаматтық авиация комитетінің, Сыртқы Істер Министрлігінің өкілдерімен, сондай-ақ әуежай аумағында орналасқан күштік және құқық қорғау құрылымдарының өкілдерімен бірлесіп авиациялық қауіпсіздік шараларын қамтамасыз ету, терроризмге, экстремизмге қарсы іс-қимыл жөніндегі бірқатар мәселелерді талқылады.

Сондай-ақ БҰҰ делегациясының өкілдеріне авиациялық қауіпсіздік шараларын қамтамасыз ету жөніндегі рәсімдерді, жолаушыларды ұшу алдындағы тексеруді, шекаралық және кедендік бақылау пункттерінде жолаушылардың жүріп-тұруын қадағалау мүмкіндігі берілді. Елорда әуежайындағы авиациялық қауіпсіздік шараларын БҰҰ Қауіпсіздік кеңесінің мүшелері жоғары баға берді.

Астана халықаралық әуежайының авиациялық қауіпсіздік қызметі 2023 жылдан бері 56 террористік сипаттағы қауіпті анықтап, тіркелген хабарламалар бойынша қолданыстағы алгоритмге сәйкес құқық қорғау және арнайы органдармен бірлесіп тиісті іс-шаралар жүргізді. Ал тексеру бөлімі 2023 жылы 5 200 000-нан астам жолаушыны ұшу алдындағы тексеруден өткізген. Тексеру пункттерінде 24 000-нан астам әуе кемесінде тасымалдауға тыйым салынған заттар анықталды. Авиациялық қауіпсіздікті қамтамасыз ету мақсатында әуежайдың тексеру бөлімі адам денесін сканерлеу арқылы жарылғыш заттардың бөлшегін анықтай алатын заманауи құрылғылар мен әуежай терминалы 1000-нан астам бақылау камераларымен жабдықталған.

Айта кету Астана халықаралық әуежайы халықаралық әуе көлігі қауымдастығы IATA жүргізген жерүсті қызмет көрсету қауіпсіздігі халықаралық ISAGO аудитінің сертификатын иеленген Қазақстандағы жалғыз әуежай болып саналады.

«Нұрсұлтан Назарбаев халықаралық әуежайы» АҚ баспасөз қызметі

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.