Нұрсұлтан Назарбаев әуежайы: перрондағы жұмыстар рейстер санына әсер еткен жоқ

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2025-09-03

Нұрсұлтан Назарбаев әуежайы: перрондағы жұмыстар рейстер санына әсер еткен жоқ

Нұрсұлтан Назарбаев халықаралық әуежайында перронда жөндеу жұмыстары жалғасуда.
Бұл жұмыстар асфалт жабынын жаңартумен байланысты және ұшу қауіпсіздігі мен аэродром инфрақұрылымының сенімділігін қамтамасыз ету үшін қажет.

Перрон – әуежайдың ең көп жүктелетін аймақтарының бірі. Онда күн сайын ауыр әуе кемелері, жерүсті техникасы, жанармай құю машиналары және жолаушылар автобустары қозғалады. Белсенді пайдалану мен климаттық жағдайлар – температураның күрт ауытқуы, аяз, қар және қыс мезгілінде қолданылатын реагенттер – жабын құрылымын біртіндеп бұзады. Сондықтан жекелеген учаскелерде асфальтты жаңарту – аэродромды жұмыс күйінде ұстаудың маңызды бөлігі болып табылады.

Әрине, жөндеу жұмыстары белгілі бір қолайсыздықтар тудыратыны сөзсіз, алайда бұл рейстер санына әсер еткен жоқ. Әуежай жолаушылар ағынын толық көлемде қабылдап, қалыпты режимде қызмет көрсетуде: күн сайын 200-ден астам рейс орындалады. Барлық қызметтер күшейтілген режимде жұмыс істеп, қызмет көрсету сапасы мен рейстердің уақытылы орындалуын қамтамасыз етуде.

Жөндеу жұмыстары әуежайдың операциялық қызметіне әсерін барынша азайту мақсатында ұйымдастырылған. Негізгі жұмыстар жүктеме төмен кездерде жүргізіледі. Бұл әуежайға қауіпсіздік пен инфрақұрылымның үздіксіз жұмысын қатар қамтамасыз етуге мүмкіндік береді.

Нұрсұлтан Назарбаев халықаралық әуежайы Орталық Азиядағы маңызды әуе торабы ретіндегі орнын сақтап отыр және жөндеу жұмыстары жүріп жатса да, ұшу сенімділігі мен жолаушыларға көрсетілетін қызмет сапасының жоғары стандарттарын сақтап келеді.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.