Елорда әуежайында авиациялық хабты дамыту жобалары таныстырылды

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2026-03-11

Елорда әуежайында авиациялық хабты дамыту жобалары таныстырылды

2026 жылғы 11 наурызда Қазақстан Республикасының Бас көлік прокуроры Берік Қуанышбекұлы Жүйріктаев жұмыс сапарымен Нұрсұлтан Назарбаев халықаралық әуежайында болды.

Сапар барысында Бас көлік прокурорына әуежай инфрақұрылымының негізгі нысандары бойынша ақпарат берілді. Әуежай басшылығы Т1 терминалының жұмысын, шекаралық бақылау мен стерильді аймақтың қызметін, сондай-ақ әуежай инфрақұрылымының қазіргі жағдайы мен оны дамыту жоспарларын таныстырды.

Т1 терминалының конференц-залында халықаралық авиациялық хабты дамыту тұжырымдамасы, әуежайдың коммерциялық саясаты, Т1 және Т2 терминалдарындағы автотұрақтарды ұйымдастыру, сондай-ақ қолданыстағы ұшу-қону жолағын жөндеу және екінші ұшу-қону жолағын салу жоспарлары бойынша таныстырылым өтті.

Сонымен қатар жолаушыларға қызмет көрсету сапасын арттыру және өткізу қабілетін ұлғайтуға бағытталған Q-Gate автоматтандырылған шекаралық бақылау жүйесін енгізу жобасына ерекше назар аударылды.

Сапар қорытындысында терминалдар аумағындағы автотұрақ инфрақұрылымын дамыту және оны тиімді ұйымдастыру мәселелері талқыланды. Әуежай басшылығы инфрақұрылымды жаңғырту және заманауи технологияларды енгізу елорда әуежайын дамытудың басым бағыттарының бірі болып қала беретінін атап өтті.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.