Астана әуежайында жолданымдарды өңдеудің «E-Otinish» ақпараттық жүйесі бойынша оқыту семинары өтті

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2026-03-27

Астана әуежайында жолданымдарды өңдеудің «E-Otinish» ақпараттық жүйесі бойынша оқыту семинары өтті

2026 жылғы 27 наурызда «Нұрсұлтан Назарбаев халықаралық әуежайы» АҚ-да құжат айналымы бөлімі бастамасымен Қазақстан Республикасының Әкімшілік рәсімдік-процестік кодексіне енгізілген өзгерістерге байланысты Қоғамның құрылымдық бөлімшелерінің жұмыскерлеріне арналған «E-Otinish» ақпараттық жүйесінде жұмыс істеу бойынша оқыту семинары өткізілді.

Семинарға Қоғамның құрылымдық бөлімшелерінің 50-ден астам жұмыскері мен басшылары қатысты.

Лектор ретінде Қазақстан Республикасы Бас прокуратурасының ДКПжСУ бөлімінің прокуроры Шыңғыс Алдияр Жәнібекұлы сөз сөйледі.

Семинарды құжат айналымы бөлімінің басшысы Нурекешова Сабира Сериковна ашып, лекторды таныстырып, оқыту семинарының тақырыбын жария етті.

Семинар барысында қатысушылар «E-Otinish» жүйесінің негізгі функцияларымен, өтініштерді тіркеу, есепке алу және орындау тәртібімен, сондай-ақ олардың сапасы мен қарау мерзімдеріне қойылатын талаптармен таныстырылды. Лектор Қазақстан Республикасының Әкімшілік рәсімдік-процестік кодексіне енгізілген, жеке және заңды тұлғалардың өтініштерін қарау тәртібіне қатысты негізгі өзгерістерді жан-жақты түсіндірді.

Сонымен қатар қағаз түріндегі өтініштерді тіркеу, оларды қайта жолдау тәртібі, қарау мерзімдеріне қатысты жаңа тәсілдер, сондай-ақ өтініштермен жұмыс істеу кезінде заңнама талаптарын бұзғаны үшін жауапкершілік мәселелеріне ерекше назар аударылды. ҚР ӘРПК-нің негізгі баптарының талаптары да түсіндірілді.

Семинар тәжірибеге бағытталған форматта өтіп, нақты жағдайларды талқылау және қатысушылардың өзекті сұрақтарына жауап беру арқылы жүргізілді.

Өткізілген оқыту азаматтардың жолданымдарымен жұмыс істеу тиімділігін арттыруға және көрсетілетін қызметтердің сапасын жақсартуға бағытталған.

Семинар материалдары (презентациялар мен слайдтар) Қоғамның барлық құрылымдық бөлімшелеріне жолданды.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.