АСТАНА ХАЛЫҚАРАЛЫҚ ӘУЕЖАЙЫНДА АВИАЦИЯ АРДАГЕРЛЕРІМЕН КЕЗДЕСУ ӨТТІ

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2026-06-29

АСТАНА ХАЛЫҚАРАЛЫҚ ӘУЕЖАЙЫНДА АВИАЦИЯ АРДАГЕРЛЕРІМЕН КЕЗДЕСУ ӨТТІ

Астана халықаралық әуежайының 95 жылдық мерейтойы аясында авиация саласының ардагерлерімен кездесу ұйымдастырылды. Іс-шараға Астана халықаралық әуежайының Басқарма төрағасы Бекен Қанелұлы Сейдахметов қатысып, сала ардагерлерімен еркін форматта пікір алмасты.

Кездесу барысында ардагерлер азаматтық авиацияның қалыптасу кезеңдері туралы естеліктерімен бөлісіп, еңбек жолында жинаған тәжірибелерін әңгімеледі. Сондай-ақ бүгінгі таңда аға буын өкілдерін толғандыратын бірқатар әлеуметтік мәселелер көтерілді. Әсіресе медициналық қызметтің қолжетімділігі, қоғамдық көлік қатынасы және зейнеткерлерді қолдау шаралары жөнінде өзекті пікірлер айтылды.

Жиынға қатысушылар ардагерлердің әл-ауқатын арттыруға бағытталған жұмыстардың маңыздылығын атап өтіп, еңбек ардагерлеріне көрсетілетін қамқорлық қоғам назарынан тыс қалмауы тиіс екенін жеткізді.

Кездесуде авиация саласының ардагері, тыл еңбеккері Нығман Үсенұлы Сыздықовқа ерекше құрмет көрсетілді. Биыл 92 жасқа толған қарияның ғұмыры отандық авиацияның тарихымен тығыз байланысты. Оның өмір жолы мен еңбегі бірнеше буын авиация мамандарына үлгі болып келеді. Бір қызығы, Нығман Үсенұлының жасы биыл 95 жылдығын атап өтіп отырған Астана халықаралық әуежайының тарихымен қатар өріліп жатыр деуге болады.

Астана халықаралық әуежайы сала ардагерлерімен байланысты үзбей, ұрпақтар сабақтастығын нығайтуға әрдайым ерекше мән береді. Себебі олардың кәсіби тәжірибесі, қажырлы еңбегі мен азаматтық авиацияның дамуына қосқан үлесі – кейінгі буын үшін баға жетпес мұра.

Осындай тағылымды кездесулер әуежайдың қалыптасқан жақсы дәстүріне айналған. Бұл – авиация саласының өркендеуіне еңбек сіңірген жандарға құрмет көрсетудің және олардың еңбегін ұлықтаудың жарқын көрінісі.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.