АСТАНА ХАЛЫҚАРАЛЫҚ ӘУЕЖАЙЫНАН ЖАҢА МАУСЫМДЫҚ БАҒЫТ АШЫЛАДЫ

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2026-06-30

АСТАНА ХАЛЫҚАРАЛЫҚ ӘУЕЖАЙЫНАН ЖАҢА МАУСЫМДЫҚ БАҒЫТ АШЫЛАДЫ

Астана халықаралық әуежайы бағыттар желісін кеңейтуді жалғастыруда. 2026 жылғы 3 шілдеден бастап елорда тұрғындары мен қонақтарына жаңа маусымдық Астана – Ыстықкөл (Тамшы) – Астана бағыты қолжетімді болады. Рейстерді отандық FlyArystan әуе компаниясы орындайды.

Жаңа бағыт бойынша әуе рейстері 2026 жылғы 3 шілде мен 31 тамыз аралығында аптасына екі рет – дүйсенбі және жұма күндері жүзеге асырылады. Ұшу кестесіне сәйкес, Астанадан ұшақ сағат 07:30-да ұшып, Тамшы халықаралық әуежайына жергілікті уақыт бойынша 10:45-те қонады. Қайтар рейс Тамшыдан сағат 12:00-де ұшып, Астанаға 13:20-да жетеді. Таңғы уақытқа жоспарланған қолайлы кесте жолаушыларға Ыстықкөл жағалауына күннің алғашқы жартысында жетіп, демалыс уақытын барынша тиімді өткізуге мүмкіндік береді.

Әуе билеттері FlyArystan әуе компаниясының ресми сайтында, мобильді қосымшасында және басқа да ресми сату арналары арқылы сатылымға шығарылды.

Жаңа бағыттың ашылуы – Астана халықаралық әуежайының халықаралық маршруттық желіні дамыту және елорда тұрғындары мен қонақтары үшін саяхат мүмкіндіктерін кеңейту жөніндегі жүйелі жұмысының жалғасы. Бүгінде әуежайдан әлемнің ондаған халықаралық бағытына тұрақты рейстер орындалады. Ал жаңа бағыттардың іске қосылуы Қазақстанның шетел мемлекеттерімен туристік, іскерлік және мәдени байланыстарын одан әрі нығайтуға ықпал етеді.

Астана халықаралық әуежайы әуе компанияларымен бірлесіп маршруттық желіні кеңейту жұмыстарын алдағы уақытта да жалғастыра отырып, жолаушыларға жайлы, қауіпсіз әрі қолжетімді әуе қатынасын ұсынуға басымдық береді.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.