АСТАНА ӘУЕЖАЙЫ ТАРИХЫНДАҒЫ РЕКОРДТЫҚ КӨРСЕТКІШ — БІР АЙДА 1 МИЛЛИОННАН АСТАМ ЖОЛАУШЫ

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2026-08-18

АСТАНА ӘУЕЖАЙЫ ТАРИХЫНДАҒЫ РЕКОРДТЫҚ КӨРСЕТКІШ — БІР АЙДА 1 МИЛЛИОННАН АСТАМ ЖОЛАУШЫ

Астана халықаралық әуежайы жаңа тарихи рекорд орнатты. 2026 жылғы шілде айының қорытындысы бойынша жолаушылар ағыны алғаш рет бір айда 1 миллион адамнан асты. Бұл — елорда әуежайының бүкіл тарихындағы бір айда тіркелген ең жоғары көрсеткіш.

Мұндай тарихи көрсеткішке әуежайдың маршруттық желісін жүйелі түрде дамыту, жаңа халықаралық бағыттарды ашу және қолданыстағы бағыттар бойынша ұшу жиілігін арттыру нәтижесінде қол жеткізілді. 2026 жылы Астана халықаралық әуежайының маршруттық желісі жаңа халықаралық бағыттармен толықты. Ларнака (Кипр), Ұлан-Батыр (Моңғолия), Гуанчжоу (Қытай), Ереван (Армения) және Даламан (Түркия) қалаларына рейстердің ашылуы нәтижесінде халықаралық бағыттар саны 42-ден 47-ге дейін артты. Сонымен қатар жолаушыларға Қазақстан бойынша 18 ішкі бағыт қолжетімді.

Астана халықаралық әуежайы халықаралық маршруттық желіні одан әрі дамыту және елорданың өңірдегі негізгі авиациялық хабтардың бірі ретіндегі орнын нығайту бағытындағы жұмысын жалғастыруда. Жаңа әуе компанияларын тартуға, ұшу географиясын кеңейтуге және сұраныс жоғары бағыттар бойынша рейстер жиілігін арттыруға ерекше көңіл бөлінуде.

Жолаушылар ағынының өсуімен қатар әуежай инфрақұрылымын кезең-кезеңімен жаңғырту және жолаушыларға қызмет көрсету сапасын арттыру жұмыстары жүргізілуде. Әуежайды дамытудағы негізгі мақсат — инфрақұрылымдық және сервистік мүмкіндіктерді тасымал көлемінің өсу қарқынына сай жетілдіру және елорданың әуе қатынасын одан әрі дамытуға қажетті жағдай жасау.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.