АВТОТҰРАҚ ТУРАЛЫ АҚПАРАТ

Әуежай аумағындағы автотұрақтар ақылы коммуналдық автотұрақтарға жатпайтынын назарға саламыз. Осыған байланысты Қазақстан Республикасының «Жол жүрісі туралы» Заңының 42-1-бабында ақылы коммуналдық автотұрақтар үшін көзделген жеңілдіктер әуежай аумағындағы автотұрақтарға қолданылмайды. Сондай-ақ көрсетілген күннен бастап әуежайда бұған дейін қолданыста болған ішкі жеңілдіктердің күші жойылады.

Жолаушылар мен келушілер үшін 100 көлікке арналған тегін P8 автотұрағы қолжетімді. Оны барлық жолаушылар мен әуежай қонақтары шектеусіз пайдалана алады.

Әуежайға сапарыңызды жоспарлау кезінде осы ақпаратты ескерулеріңізді сұраймыз. Автотұрақтардың орналасу сызбасы мен қолданыстағы тарифтер туралы толық ақпаратты әуежайдың ресми сайтынан білуге болады.

Түсіністік танытқандарыңыз үшін алғыс білдіреміз!

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.